Baile > Nithe is díol spéise do thurasóirí > Cnocadóireacht

Cnocadóireacht in Acaill, Co. Mhaigh Eo, Éire

Tá cuid de na siúlóidí agus fálróid is fearr in Éirinn le fáil ar Oileán Acla agus ar Leithinis an Chorráin.

Éagsúil ó go leor ceantar siúil eile in iarthar na tíre, tá an chuid is mó den tírdhreach in Acaill faoi chomhúinéireacht, rud a chiallaíonn go bhfuil sé oscailte agus inrochtana do chnocadóirí. Is beag claí nó fálta atá sna ceantair ar thalamh ard Acla, más ann dóibh ar chor ar bith.

Is iontach é tírdhreach Acla do choisithe ar gach leibhéal.

Is in Acaill íochtar atá an dá chnoc is airde - is féidir teacht ar an Sliabh Mór (671 méadar) ón oirthear ag Dumha Goirt nó ó na fánaí thiar-theas os cionn an Bhaile Tréigthe. Seasann Croaghaun (668 méadar) go láidir ar an taobh thiar d'oileán Acla agus ar thaobh inrochtana an oirthir de tá aillte carraigeacha ingearacha - deirtear gurb iad na haillte farraige is airde san Eoraip.

Eagraíonn Turasóireacht Acla Féile Siúlóidí bhliantúil agus is i mí Mhárta a bhíonn sé ar siúl. San imeacht seo bíonn siúlóidí treoraithe ó threoraí cáilithe i scileanna sléibhe, a thugann stair agus béaloideas áitiúil do dhaoine chomh maith le nodanna faoi scileanna sléibhe agus léargas ar sheandálaíocht agus geolaíocht na háite.

Tá treoirleabhar a thugann sonraí ar cheithre shiúlóid déag in Acaill ar fáil freisin ó Thurasóireacht Acla. San fhoilseachán dátheangach seo (Béarla agus Gaeilge) tá léarscáileanna agus eolas ar phointí a mbaineann spéis leo ar an gceithre shiúlóid déag ar fad.